БИШКЕК, 11-авг. — Sputnik. Боксчу Мунарбек Сейитбек уулу Париж Олимпиадасынын финалында өзбекстандык спортчу Абдумалик Халоков менен кез келип, күмүш медалга ээ болду.
Кыргызстандык мушкер 57 килограмм салмак категориясында беттешкен. Үч раундда тең Халоков мыктылыгын далилдеди.
Мунарбек Сейитбек уулунун алган медалы Кыргызстандын күрөштөн сырткары ээ болгон алгачкы олимпиадалык байге болуп саналат.
Жалпы жонунан Кыргызстандын байге куржунунда азыр эки күмүш (бирин балбан Мээрим Жуманазарова алып келген), төрт коло байге бар.