БИШКЕК, 11-авг. — Sputnik. Өлкөдөгү чакан ишканаларды эсепке албаганда январь-июнга карата орточо маяна 35 миң 298 сомду түздү. Бул тууралуу Экономика жана коммерция министрлигинин маалыматында айтылган.
Ага ылайык, көрсөткүч 2023-жылдын ушул мезгилине салыштырмалуу 10,6 пайызга, ал эми керектөө бааларынын индексин эске алуу менен реалдуу эмгек акынын өлчөмү 5,2 пайызга өскөн.
Өсүү катталган тармактар:
тейлөө тармагы — 41,5 пайыз;
дүң жана чекене соода, автоунаа жана мотоциклдерди оңдоо — 30,7;
курулуш — 27,2;
суу менен камсыздоо, тазалоо, таштандыны кайра иштетүү — 27;
кен казуу — 24,1;
кыймылсыз мүлк операциялары — 22,6;
кесиптик, илимий жана техникалык ишмердүүлүк — 21,4;
транспорт иши жана товарларды сактоо — 16,4;
жер-жерлерде финансылык ортомчулук жана камсыздандыруу — 16,1.
Ошондой эле маалыматта былтыр биринчи жарым жылдыкта бардык тармакта өсүш болгону кошумчаланган.