Эл болобуз, бакубат жашоо, гүлдөгөн мамлекет курабыз десек социалдык тармактагы атайылап жалган маалымат таратып, негатив коомдук пикир түзгөндөрдү ары же бери кылбасак болбой калды. Бул тууралуу министрлер кабинетинин төрагасынын орун басары Эдил Байсалов соцтармактагы кайрылуусунда жазды. Минкаб төрагасынын орун басары кимдир бирөөлөр Бишкектин муз сарайындагы балбандардын жерге отуруп тамактанып жаткан мурдагы видеосу менен бөлүшүп, элди дүрбөлөңгө салганын айткан.Ал атайын фейк тараткандар менен катар билип-билбей жалган маалымат тараткандарга дагы жоопкерчилик киргизиле турганын белгилеген.Эске салсак, буга чейин министрлер кабинети мыйзам долбоорун демилгелеп, анда жалган маалыматтарды таратуу үчүн жеке жактарга 100 миң сом, юридикалык жактарга 200 миң сом айып салууну сунуштаган.
"Улуттук банк жөнүндө" конституциялык мыйзамга санарип сомду төлөө каражаты катары киргизүү боюнча өзгөртүүлөр сунушталды. Аны өлкөнүн башкы банкы демилгелеп, коомдук талкууга чыгарды. Мыйзам долбоорунда санарип сомду чыгаруу, жөндөө, жүгүртүү боюнча беренелер киргизилген. Аларга ылайык, санарип сом өлкө аймагында мыйзамдуу төлөм каражаты болуп саналган улуттук валюта. Улуттук банк аны эмиссиялоо боюнча өзгөчө укукка ээ жана жүгүртүү, уюштуруу тартибин аныктайт. "Санарип сомдун укуктук статусу техникалык платформаны туура тандоодон жана аны колдонуу боюнча сынамык мезгилдин ийгиликтүү болушунан көз каранды. Ошондуктан мыйзам долбоорун 2027-жылдын 1-январынан тартып күчүнө киргизүү сунушталууда", — деп жазылат маалыматта.
Россиянын Челябинск, Екатеринбург шаарларында айыл чарба азыктарын дүңүнөн саткан базарлардын башкармалыктары менен сүйлөшүүлөр жүргүзүлүүдө. Бул тууралуу Суу ресурстары, айыл чарба жана кайра иштетүү өнөр жайы министрлигинен кабарлашты. Максаты айыл чарба азыктарын экспорттоо жолдорун издеп табуу болуп саналат. "Россияда Кыргызстандын жемиш жана жашылчаларына болгон суроо-талап жыл сайын өсүүдө. Учурда Челябинск жана Екатеринбургга Ысык-Көлдүн өрүктөрү ири көлөмдө алып келинүүдө", — деп жазылат маалыматта.
КМШдан чогулган жаш режиссерлор, сценарийчилер "Мы" деп аталган эл аралык II кинофестивалга чогулду. Кыргызстан, Армения, Беларусь, Казакстан жана Тажикстандан келгендерге Борбордук кинематографисттер үйүндө киномектеп уюштурушту.Алар идеялары менен бөлүшүп, биргелешкен долбоорлорду түзүшөт. Жыйынтыгында киноальманах түзүлүп, ага беш новелла кирет. Катышуучулар өздөрүнүн идеялары менен бөлүштү: Армениялыктар суу алдындагы чиркөө, Беларустан келгендер майыптыгы бар балдардын ата-энелери тушуккан кыйынчылыктар боюнча фильм тартмай болушту. XX Казакстандагы жана Борбор Азияда кылымдын 20-жылдарындагы окуялар боюнча Казакстандан келгендер даректүү тасма жаратууну пландашкан. Ал эми калгандарына идея, ойлорун бышырып, анан сунуштаганга убакыт бар.
Украина ыраакка атылуучу ATACMS ракеталары менен Россиянын аймагындагы авиабазаларга сокку урууга уруксат берүүнү суранып жа