БИШКЕК, 7-авг. — Sputnik. Парижде өтүп жаткан Олимпиада оюндарында бүгүн Амантур Исмаилов 67 килограмм салмакта беттештерин баштайт.
Спортчу 1/8 финалда грузиялык Рамаз Зоидзе менен күч сынашат. Бул беттештер 15:30да башталат.
Мындан тышкары, 77 килограмм салмак категориясында Акжол Махмудов колумбиялык Алексис Муньоз менен жубатуучу күрөштүн биринчи раундунда күрөшөт.
Ошондой эле дагы бир жубатуучу беттеште 97 килограмм салмакта Үзүр Жузупбеков АКШлык Жозеф Патрик Рау менен кез келет. Бул мелдештер 15:00дө болот.