БИШКЕК, 6-авг. — Sputnik. Жоламан Шаршенбеков Парижде өтүп жаткан XXXIII жайкы Олимпиадада коло медалга ээ болду.
Ал грек-рим күрөшүндө 60 килограмм салмакта коло үчүн беттеште ирандык спортчу Мехжи Мохсен Нежад менен кез келди.
Балбан жарым финалда япониялык Кеничиро Фумитага 4:3 эсебинде жеңилип калган. Ага чейинки баскычтарда казак балбаны Айдос Султангалини, кийин румыниялык Арнаут Рэвзанды жеңген.
Бул Париждеги Олимпиада оюндарындагы кыргыз спортчулары үчүн биринчи жана тарыхтагы сегизинчи медаль болуп калды.