Бишкекте жаңы окуу жылында айрым мектептерде сабактар жарым саат эрте, тагыраагы, 7:30да башталат. Мындай өзгөрүү бир нече себептерге байланыштуу киргизилген. Алардын бири борбор калаадагы жол тыгындары. Эмнеге аталгандай эреже бардык мектептерге кирген жок? Сабактарды эрте баштоонун кандай артыкчылыктары бар? Жаңы окуу жылында Бишкек шарындагы билим берүү мекемелеринде дагы кандай өзгөрүүлөр болот?
Ушул жана башка суроолорго Бишкек шаарынын мэриясынын Билим берүү департаментинин директорунун орун басары Медина Ботоканова жооп берди.