БИШКЕК, 3-авг. — Sputnik. Кыргызстандык суучул Елизавета Печерских Париждеги Олимпиадада өзүнүн тобундагы таймашта биринчи болуп келип, бирок башкалардын да көрсөткүчүн карай келгенде жарым финалга чыга албай калды.
Спортчу кыз 50 метрге эркин сүзүү боюнча таймашты. Бул аралыктагы сууга сүзүүгө 79 спортчу кыз катышты.
Печерских өзү менен бирге таймашкандардын ичинен 26,26 секундада биринчи болуп келди. Бирок жалпылап эсептей келгенде 30-орунду ээледи.