БИШКЕК, 3-авг. — Sputnik. Эгемендүүлүк күнүн утурлай борбор калаада биринчи акысыз концерт өттү, эми ал 30-августка чейин уланат. Иш-чара Кара-Кыргыз автономиялуу облусунун түзүлгөндүгүнүн 100 жылдыгына да арналганын Бишкек мэриясы маалымдады.
Музыкалык кече Токтогул Сатылгановдун эстелигинин алдында өтүп турат.
Кечээки концертте мэриянын чоң симфониялык оркестри шаар тургундарына классикалык музыканын белгилүү чыгармаларын аткарышкан.
"Ачык асман алдындагы музыкалык кечелер" долбоору 30-августка чейин уланат", — деп айтылат маалыматта.
Мэрия шаардын тургундары менен конокторун жандуу музыкадан ырахат алып кетүүгө чакырды.