Бишкекте саат 13-00! Жаңылыктар менен тааныштырып студияда Кенжебай Сатканалиев. Саламатсыздарбы! Бул чыгарылышта:
Парижде гендердик тесттен өтпөй калган дагы бир боксчу чейрек финалга чыктыИрандык дипломат Израилге катуу сокку урууга убада кылганы кабарландыЭрмат Жумаев Талас облусунун башчысы болуп дайындалдыалдыда кененирек...
Эрмат Жумаев президенттин Талас облустагы ыйгарым укуктуу өкүлү болуп дайындалды. Тийиштүү жарлыкка өлкө башчы Садыр Жапаров кол койду. Буга чейин Эрмат Жумаев Талас шаарынын мэри болуп иштеп жаткан. Эске салсак, президенттик администрациянын коллегиясында министрлер кабинетинин төрагасы Акылбек Жапаров милдетин так аткарбагандыгы жана ишиндеги кемчиликтери үчүн Талас облусунун бир катар аткаминерлерин иштен алуу сунушун президентке жолдогон. Алардын ичинде облус жетекчиси Нурлан Дардановду дагы кызматтан алуу сунушталып, көп узабай ал кызматтан кеткен.
Үстүбүздөгү жылдын 8-августунан тарта Бишкек — Нарын багыты боюнча GoBus автобустары каттай баштайт. Бул тууралуу Туризмди өнүктүрүү фондунан кабарлашты. Маалыматта каттамдар күн сайын аткарылары айтылат. "Автобустар Бишкектеги Ибраимов көчөсүнөн эртең менен саат 8де Нарынды көздөй, ал эми Нарындан борбор калаага саат 10до сапар алат. Жол убактысы төрт жарым саатты түзөт. Билеттин баасы — 500 сом", — деп билдирди Туризмди өнүктүрүү фонду. Мындан тышкары, туристтердин Нарын жергесине болгон кызыгуусу жылдан жылга өсүп баратканы кошумчаланган. Алар көбүнчө Борбор Азиядагы эң чоң, бийиктиги 400 метр болгон Шар шаркыратмасын, Таш-Рабат, Соң-Көл, Чатыр-Көл жана Кел-Сууну көрүүгө келишет. Каттамдар тууралуу толук маалыматты GoBus мобилдик тиркемесинен же 0706 880087 номеринен билүүгө болот.
Париждеги Олимпиада оюндарында гендердик тесттен өтпөй калган дагы бир боксчу чейрек финалга чыкты. Бул тууралуу Р-Спорт басылмасы жазды. Маалыматка ылайык, Тайвандык Линь Юйтин 5:0 эсеби менен өзбекстандык Ситора Турдибекованы утуп алды. Ага чейин гендердик тесттен өтпөй калган алжирдик спортчу италиялык кызды 46 секундада утуп коомчулукта чуу, наразалык жараткан. Эл аралык Олимпиада комитетинин Иман Хелиф менен Линь Юйтинди беттештерге чыгарууга уруксат бергени дүйнө коомчулугунда нааразычылык жараттууда.
ХАМАСтын саясий бюросунун башчысы Исмаил Ханияны өлтүргөндөн кийин Тегеранды Израилге каршы сокку урууну токтотууга үндөө аракетинен майнап чыкпайт, ал эми чабуулдун өзү чагылгандай тез жана катуу болушу мүмкүн. Бул тууралуу “Уол стрит журнал” басылмасы аты аталбаган дипломатка шилтеме берип жазганын РИА Новости билдирди. Ички маселелер менен тааныш болгон басылманын маектеши Израилдин соңку чабуулдарын эске алганда, мамлекеттердин Тегеранды кырдаалды курчутпоого көндүрүү аракеттеринен оң натыйжа чыкпайт. "Көндүрүүнүн мааниси жок. Израиль бардык чектен чыгып кетти... Биздин жооп ыкчам жана катуу болот", — деген дипломат. Ирандын аткаминерлери эскалациянын тобокелдигин түшүнүп турушканын, бирок өлкө бийлиги кол салууга карата катуу жоопту талап кылгандарды ички кысымга кабылганын белгилеген. Иран менен "Хезболла" Израилдин акыркы соккуларына кандай гана жооп болбосун "апрелдеги атышуудан күчтүү болушу керек" деп эсептеп жатышканы айтылат. Ошондой эле "Хезболла" алардын жообу бир жолку чабуул эмес, бир катар аракеттер менен коштолорун билдирген.