БИШКЕК, 31-июл. — Sputnik. 1-августтан баштап Бишкек – Балыкчы — Бишкек поездинин курамына VIP-купе вагону киргизилет. Бул тууралуу "Кыргыз темир жолу" ишканасынан билдиришти.
"Вагондун ичинде алты купе бар. Алардын ар биринде жумшак дивандар, кенен стол, панорамалык терезелер, электрондук түзүлүштөрдү кубаттоо үчүн USB, аудио жана стереосистема орнотулган. Абаны муздатуу системасы да каралган. Ички жасалгасы улуттук стилде кооздолгон. Вагон топтордон турган жүргүнчүлөрдүн купеде жүрүүсүнө ылайыкталган. Вагондо кошумча акыга буфет кызматтары көрсөтүлөт", — деп айтылат маалыматта.
Билеттерди ticket.railway.kg сайтынан жана анын мобилдик тиркемелеринен, Бишкек-2 бекетинин кассасынан сатып алса болот.
Эске салсак, Бишкектен Ысык-Көлгө чейин VIP-вагондор аркылуу каттоого болот. 31-августка чейин каттамдар күн сайын жүргүзүлөрү айтылган.