БИШКЕК, 29-июл. — Sputnik. Тажикстандан Кыргызстанга афган баңгизатын ташыган канал бөгөттөлгөнүн ИИМден билдиришти.
5-июлда эртең менен Кулунду айылынан (Баткен облусу) 28 жаштагы тургун кармалган.
Милициянын маалыматына караганда, текшере келгенде анын жанынан салмагы 2,1 килограммдык өз-өзүнчө таңгакталган баңгизат чыккан.
Шектүү убактылуу кармоо жайына киргизилип, бул каналга тиешелүү кишилер аныкталып жатканын айтышты.