Кыргызстандык ишкерлерди ЕАЭБдеги жеңилдик долбооруна чакырыштыЭрдоган Түркия Израилге кириши мүмкүндүгүн жарыяладыТелефондорду милдеттүү каттатуу 15-августка чейин жылдырылдыалдыда кененирээкӨлкөдө телефонду милдеттүү каттатуу 15-августка чейин жылдырылды. Бул тууралуу УКМКдан билдиришти. Маалыматка ылайык, бул мөөнөткө чейин каттоодон өтпөгөн уюлдук опператорлордун абоненттеринин аппараттары өчүрүлбөйт. "Кабыл алынган өзгөртүүлөрдүн алкагында түзүлүштөрдү каттоо үчүн 600 сом өлчөмүндөгү милдеттүү төлөмдөрдү, анын ичинде кошумча нарк салыгын жана сатуудагы салыкты төлөө түздөн-түз мобилдик телефондордун сатуучуларына, импорттоочуларына жана ритейлерине жүктөлөт", — деп жазылат маалыматта. Эске салсак, министрлер кабинети жасалма телефондорду колдонуудан коргоо, уурдатпоону жана телефон алдамчылыгын жоюу максатында 25-июнда уюлдук телефондорду идентификациялоонун мамлекеттик системасын ишке киргизген.
ЕЭКтин өнөр жай, агроөнөр жай комплекси боюнча министри Гоар Барсегян Кыргызстандык ишкерлерди ЕАЭБдеги жеңилдик долбооруна катышууга чакырды. ЕЭКтин маалымат кызматы анын министрлер кабинетинин төрагасынын биринчи орун басары Адылбек Касымалиев менен жолукканын жазды. "ЕЭК министри Кыргызстандын ишкерлерин финансылык колдоо механизмин колдонуу менен өнөр жай кооперациясынын долбоорлоруна активдүү катышууга чакырды", — деп айтылган анда. Бул механизм компаниялардын банктардан алган насыяларынын пайыздарын каржылоо үчүн колдонулат. Аталган механизмдин алкагында эсептик коюмдун 100 пайызына чейин компенсацияланары айтылды.
Улуттук банк 1-августтан тарта "Дүйнөлүк көчмөндөр оюндары" сериясындагы "Ат чабыш" күмүш коллекциялык тыйынын жүгүртүүгө чыгарат. Башкы банктын маалыматына караганда, тыйындар 8-сентябрдан 14-сентябрга чейин Казакстандын Астана шаарында өтө турган V Дүйнөлүк көчмөндөр оюндарына арналат. Анын баасы 5 580 сомду түзөт. Тыйындын алдыңкы бетинде така түрүндө салынган ат майданда ат чаап бараткан эки чабандес чагылдырылган. Алдыңкы бетинин жогору жагында Дүйнөлүк көчмөндөр оюндарынын эмблемасы жана монетанын "Ат чабыш деген аталышы, ошондой эле номиналы 10 сом түшүрүлгөн. Тыйындын арткы бетинде да жарышка түшкөн чабандестердин сүрөтү берилген. Ортосунда Кыргызстандын герби, жогору жана төмөн жагында "Дүйнөлүк көчмөндөр оюндары деген жазуу түшүрүлгөн. Тыйындын сол жагында чыгарылган жылы, оң жагында металлдын сапат белгиси менен салмагы берилген. "Ат чабыш" коллекциялык монетасы өлкө аймагында расмий төлөм каражаты статусуна ээ.
Түркия бир убакта Ливия менен Тоолуу Карабахка кандай кирсе, Израилге да ошондой кириши мүмкүн. Бул тууралуу Режеп Тайип Эрдоган башкаруучу партиянын Ризе провинциясындагы бөлүмүнүн жыйынында билдиргенин РИА Новости жазды. Ал Түркиянын коргонуу өнөр жайынын жетишкендиктерин белгилеп, бирок эгер алар мындан да кубаттуу болсо Израиль "Палестинага азыр жасаган ишин кылмак эмес" деди. "Биз күчтүү болушубуз керек. Карабахка, Ливияга киргендей эле, аларга да (Израилге) киребиз. Биз жасай албаган эч нерсе жок", — деди Түркиянын президенти. Израилдин ТИМ башчысы буга жооп кайтарып, Эрдоганды Ирактын өлүм жазасына тартылган лидери Саддам Хусейнге салыштырды.