БИШКЕК, 28-июл. — Sputnik. Садыр Жапаров Бишкектен VIP-вагонго түшүп Балыкчыга сапар алды. Бул тууралуу президенттин маалымат кызматынан билдиришти.
Мамлекет башчы бүгүн, 28-июлда, борбор калаадагы Бишкек-2 темир жол бекетине капыстан барып, андагы оңдоп-түздөө иштерин көргөн.
Президентке "Кыргыз темир жолунун" башчысы Балыкчы—Кочкор — Кара-Кече темир жолунун курулушу тууралуу маалымат да берген. Анын айтымында, жыл аягына чейин жалпысынан 40 чакырым темир жолду бүткөрүү пландалууда.
Андан соң Садыр Жапаров поезд менен Балыкчы шаарына жөнөп кеткен.