БИШКЕК, 28-июл. — Sputnik. Россия-Кыргыз өнүктүрүү фонду иштегенден бери Кыргызстандагы кичи жана орто бизнести колдоого 242 миллион доллар бөлгөн.
Башкармалыктын мүчөсү Бакыт Курманбековдун айтымында, фонд чакан жана орто бизнести өнүктүрүүгө өзгөчө көңүл бурат. Каражат 3,3 миң долбоорго бөлүнгөн, анын 1950сү Кыргызстандын алыскы аймактарына каралып, ишке ашырылган.
РКӨФ Россия менен Кыргызстандын өкмөттөрүнүн ортосундагы макулдашуунун алкагында түзүлүп, 2014-жылдан бери иштеп келет.