БИШКЕК, 28-июл. — Sputnik. Бүгүн таңкы саат 05:00 чамасында Бишкекте болгон автокырсыктан бир адамдын өмүрү үзүлдү. Бул тууралуу ЖКККББнын маалымат кызматы билдирди.
Hyundai Sonata үлгүсүндөгү автоунаанын айдоочусу Ч.Айтматов көчөсү менен баратып, "Ак-Кеме" мейманканасынын тушуна келгенде транспортун башкара албай тосмону сүзүп токтогон. Тилекке каршы, кырсыктын кесепетинен жеринде бир адам каза болуп, үчөө ар кандай жаракат алган.
Жол милициясы автоунаа айып короого токтотулганын кошумчалады.