БИШКЕК, 26-июл. — Sputnik. "Кыргызстан сулуусу — 2024" сынагында үч жеңүүчү аныкталганын уюштуруучулар билдирди.
24 жаштагы Айпери Нурбекова "Жер сулуусу", 16 жаштагы Ариет Санжарова "Дүйнө сулуусу", 18 жаштагы Мери Кувакова "Аалам сулуусу" наамына ээ болгон.
"Мындай номинацияларды сынактын жеңүүчүлөрүн ушундай аталыштагы дүйнөлүк сынактарга жиберүү үчүн тандап алдык. Мындай жарыш жыл сайын өтөт, быйыл 23 кыз катышты. Эң кичүүсү 14, эң улуусу 25 жашта", — деп уюштуруучу Рыскүл Намазбекова айтып берди.