БИШКЕК, 25-июл. — Sputnik. Сузак бир мандаттуу шайлоо округу боюнча Жогорку Кеңештин депутатын мөөнөтүнөн мурда шайлоо боюнча мамлекет башчы Садыр Жапаров тиешелүү органдарга аталган өнөктүккө даярдануу, өткөрүү боюнча иштерди тапшырган.
Маалыматта эл өкүлүн тандоо 2024-жылдын 22-сентябрында болору айтылган.
Эске салсак, бул округдан 2021-жылы Жогорку Кеңешке депутат болуп келген Тазабек Икрамов 19-июлда өз ыктыяры менен депутаттык мандатын тапшырган.