БИШКЕК, 25-июл. — Sputnik. Россиянын башкы прокурору Игорь Краснов менен анын кытайлык кесиптеши Ин Юн биргелешкен иш-чаралардын программасына (кызматташтык программасы) кол коюшту.
Жолугушуу ШКУга мүчө мамлекеттердин башкы прокурорлорунун Бишкекте өтүп жаткан 22-жыйынынын алкагында өттү.
Россиянын көзөмөл органынын жетекчиси кытайлык кесиптеши менен жолугуу салтка айланганын, бул кайсы бир деңгээлде аткара турган иштерди, багытты жалпылап белгилеп жана зарыл болгон учурда тез чечим кабыл алууга мүмкүнчүлүк берерин белгиледи.
Өз кезегинде Ин Юн мындай жолугушуулар прокуратура органдарынын ортосундагы кызматташтыкты өнүктүрүү үчүн пайдалуу экенин айтты.