БИШКЕК, 20-июл. — Sputnik. Кытайдын түндүк-батышындагы Шэньси провинциясында көпүрө урап, 11 адам каза таап, 30дан ашык киши дайынсыз болуп жатканын "Синьхуа" басылмасы билдирди.
Кырсык жума күнү кечинде катуу жааган жамгырдан кийин болгон. Алдын ала маалымат боюнча, дарыяга 20 автоунаа түшүп кеткен. Учурда беш транспортту алып чыккан куткаруучулар калган техника жана кишилерди издеп жатканы айтылды.