Ушул дем алыш күндөрү жерди магниттик бороон каптаары айтылдыАКШ Киевге Россия аймагына сокку урууга уруксат берген позициясын өзгөртүшү мүмкүнБишкекте "Оймо" фестивалы качан өтөрү белгилүү болду алдыда кененирээкЖыл сайын өтүп келген салттуу маданият жана кол өнөрчүлүк боюнча эл аралык "Оймо" фестивалы быйыл Бишкекте 24-июлда башталат. Бул тууралуу Туризмди колдоо жана өнүктүрүү фондунан кабарлашты. Ага ылайык, фестивалга жүздөгөн кол өнөрчү, музыканттар, ашпозчулар, дизайнерлер жана башка чыгармачыл кесиптин өкүлдөрү катышмакчы. Алар Борбор Азия өлкөлөрүнөн, ошондой эле Индия, Монголия, Мексика, АКШ, Малайзия, Норвегия, Швеция, Кувейт өлкөлөрүнөн келишет. "Иш-чарада 12 мамлекеттин сүрөтчүлөрүнүн эл аралык көргөзмөсү уюштурулат. Фестивалдын алкагында "Салттуу маданиятты чагылдырган мыкты инновациялык туристтик продукт" улуттук сынагы жана "Мыкты мастер" жана "Мыкты насаатчы" эл аралык сынактары өткөрүлөт", — деп жазылат маалыматта.Иш-чара 28-июлга чейин уланат.
Дем алыш күндөрү Жерди магниттик бороон каптайт. Бул тууралуу Россия илимдер академиясынын Космостук изилдөө институтунан билдиришти. Мындан улам планетанын бир катар жерлеринде радио байланыш үзгүлтүккө учураган. "Магниттик бороон гипертония жана жүрөктүн ишемиялык оорусунан жапа чеккен орто жаштагы жана улгайган адамдарга коркунуч туудурат. Дарыгерлер бул учурда тамеки чегүүдөн, арак-шараптан жана кофе ичүүдөн баш тартууну, таза абада көп жүрүүнү, терезелерди ачып уктоону сунушташат. Андан сырткары жөн жерден ачуулануудан, түйшөлүүдөн алыс болуп жана өз убагында жатып, эс алуу керек", — деп жазылган маалыматта. Медиктер мүмкүнчүлүк болсо жыпар жыттуу сууга (ваннага) түшүү ашык болбой турганын айтышкан. Ошондой эле жаратылыштын бул кубулушу 16-17-июлда Күн планетасында байкалган өзгөрүүлөрдөн улам болгонун кошумчалашкан.
Кырсык жума күнү кечинде, катуу жааган жамгырдан кийин болгон. Алдын ала маалымат боюнча, дарыяга 20 автоунаа түшүп кеткен. Учурда беш транспортту алып чыккан куткаруучулардын калган техника жана кишилерди издеп жатканы айтылды. Кытайдын түндүк-батышындагы Шэньси провинциясында көпүрө урап, 11 адам каза таап, 30дан ашык киши дайынсыз болуп жатканын "Синьхуа" басылмасы билдирди.
АКШ Украинага америка куралы менен Россиянын аймагына сокку урууга уруксат берүү боюнча позициясын өзгөртүшү мүмкүн. Бул тууралуу Ак үйдүн улуттук коопсуздук боюнча кеңешчиси Жейк Салливан билдиргенин РИА Новости жазды. Аткаминердин айтымында, Вашингтон бул маселе боюнча так чечим кабыл ала элек. "Бул суроого так жооп бере албайм. Россия Харьковго чабуул баштаганда логика боюнча, Украинага сокку урууга мүмкүнчүлүк берүү талап кылынды", — деди ал. Июнда Салливан Россияга чабуул жасоодо америкалык куралды колдонууга берилген уруксат каршылаштары Украинанын чек арасын кесип өткөн аймактарга гана тиешелүү экенин билдирген. Бирок, башталышында бул Харьков облусуна чектеш аймактарга гана карата болору айтылган эле.