БИШКЕК, 19-июл. — Sputnik. Селден жабыркагандар үчүн Казакстандан гуманитардык жардам келгенин ӨКМ билдирди.
Гумжардамды боордош элден BIZ BIRGEMIZ QAZAQSTAN кайрымдуулук фонду чогулткан. 40 тонна жүктүн ичинде ун, шекер сыяктуу азык-түлүк жана күнүмдүк колдонулуучу гигиеналык каражаттар бар.
Бүгүн таң эрте "Ак-Тилек" чек ара өткөрмөсүнөн кирген гуманитардык жардам Ош облусун карай жол тартканы айтылды.
Эскерте кетсек, акыркы күндөрү Кыргызстандын түштүк аймагында жүргөн сел 19 кишинин өмүрүн алды.