ЕАЭБде айыл чарба өндүрүшү өсүп, Кыргызстан алдыңкы үчтүккө кирдиКыргызстандык спортчулардын жайкы Олимпиадада мелдешке чыга турган күндөрү Өлкөдө көзү ачыктарды жарнамалоого тыюу салынды алдыда кененирээкПрезидент Садыр Жапаров “Жарнама жөнүндө” мыйзамга кол койду. Документ быйыл 12-июнда Жогорку Кеңеш тарабынан кабыл алынган. Ага ылайык, көзү ачыктарды жарнамалоо Укук бузуулар кодекси боюнча жоопкерчиликке алып келет. Мыйзам долбоорунун демилгечилеринин бири депутат Марлен Маматалиев белгилегендей, долбоор кандайдыр-бир магиялык же башка ишенимсиз ыкмалар боюнча кызмат көрсөтүү жагынан жарандардын башын айландырууну жокко чыгаруу максатында иштелип чыккан.
Ошто сел агызып каза болгондордун жакындарына жана үйү авариялык абалга келгендерге миллион сомдон берилет. Бул тууралуу УКМК төрагасы Камчыбек Ташиев билдирген. Маалыматка ылайык, Ташиев Ошто селден жабыркаган жерлерди көрүп, жапа чеккендер менен жолугушкандан кийин жергиликтүү бийликтин катышуусунда жыйын өткөргөн. "76 үй авариялык абалда, ошолордун ар бирине миллион сомдон бөлүнөт. 56 үйгө капиталдык оңдоо талап кылынат, аларга 500 миң сомдон берилет. Базарда 750 контейнердин товары агып кеткени айтылууда, бирок учурда андагы зыяндын өлчөмү белгисиз. Булардын ичинен патент менен же салык төлөп иштегендерге 100 миң сомдон каралууда", — деп айтты Ташиев. Ошондой эле ал каражаттын даректүүлүгүнө жана максаттуу пайдаланылышына жергиликтүү бийлик жооп берерин кошумчалады.
Ленин чокусунда россиялык альпинист каза болду. Бул тууралуу маркумдун досуна шилтеме кылып "74. RU" жазды. Кырсык 18-июлда альпинисттер бир лагерден экинчисине өтүп баратканда болгон. Кар көчкүдөн улам 58 жаштагы Евгений Банников көз жумганы айтылды. Учурда анын сөөгү Ош шаарына жеткирилип, андан ары Россияга жөнөтүлөрү же бул жерде жерге берилери чечилет.
Үстүбүздөгү жылдын январь-май айларында 2023-жылдын ушул мезгилине салыштырмалуу ЕАЭБде айыл чарба продукциясын өндүрүү 1,8 пайызга өскөн. Бул тууралуу Евразиялык экономикалык комиссиянын маалымат кызматы билдирди. Өсүш интеграциялык бирикменин бардык өлкөлөрүндө белгиленди. Ага ылайык, Беларусь — 8,1 пайыз, Армения — 4,5 пайыз, Кыргызстан — 2,5 пайыз болсо, Казакстан — 1,6, Россия — 1,2 пайызды түзгөн. Белгилей кетсек, Кыргызстан жумуртка өндүрүүнүн өсүшү боюнча ЕАЭБде лидерлердин бири. Январь-май айларында өсүш 7,3 пайызды түздү. Мындан жогорку көрсөткүч Беларуста гана болгон.
Кыргызстандык спортчулардын жайкы Олимпиадада мелдештерге чыга турчу расписаниеси жарыяланды. Өлкө атынан оюндарга 16 спортчу катышмакчы. Алар сууда сүзүү, спорттук күрөш, жеңил атлетика, дзюдо жана бокс боюнча катышат. Олимпиаданын алкагындагы мелдештер 24-июлда башталат. Ал эми ачылыш аземи 26-июлга белгиленген. Кыргызстандык спортчулардын расписаниеси Бишкек убактысы боюнча көрсөтүлдү. Ага ылайык, 27-июлда сууда сүзүү боюнча саат 15:00 дө жарыш башталса, саат түнкү 1:15те жарым финал өтөт. Кыргызстандан 100 метрге брасс ыкмасы менен сүзөт Дениш Петрашов сүзөт. Спорттук күрөш боюнча 6-августта 77 кг салмакта Акжол Махмудов чыгат. Мелдеш саат 15:30да башталат. Кененирээк спутник.кж сайтынан көрүп алсаңыз болот.