“Тулпар Моторс” заводу Чүй облусундагы Ак-Суу айылында жайгашкан. Аны эки мамлекеттин президенттери Садыр Жапаров менен Шавкат Мирзиёев онлайн ачышты. Завод жыйырмадай үлгүдөгү темир тулпарларды чыгармакчы.
Биринчи этапта Chevrolet Tracker, Onix жана Cobalt өндүрүлөт. Мындан сырткары ишкана жүк ташуучу автоунаалар менен ISUZU пикаптарын, андан сырткары SAZ автобустарын чыгармакчы.
Жыл соңуна чейин миңден ашык техниканы жасап чыгаруу пландалууда.
Бийлик бул долбоор импорттун ордун алмаштыруу жана экспорттук потенциал маселелерин чечет деп үмүттөнөт.
Кыргызстандыктар автокөлүктөрдү 20 пайыз өлчөмүндөгү минималдуу баштапкы төлөм менен жылына 8 пайыздык ченде сатып ала алышары айтылды.