БИШКЕК, 17-июл. — Sputnik. Жаныбарлардын айрым түрлөрүн аткандар үчүн айып көтөрүлдү. Бул тууралуу Жаратылыш ресурстары, экология жана техникалык көзөмөл министрлигинен билдиришти.
Айып пулдардын өлчөмүн көбөйтүүнүн максаты — өсүмдүктөрдү жана фаунаны коргоонун натыйжалуу системасын түзүү.
Айып пулдун көлөмү:
ак илбирс — 2 миллион сом (1,5 млн сом болчу);
аркар, күрөң аюу, марал (бугу), жейрен — 1,5 миллион сом (1 миллион сом болчу);
кийик — 300 миң сом (100 миң сом болчу);
элик — 100 миң сом (50 миң сом болчу).
Ошондой эле бул жаныбарларга аңчылык кылгандар тууралуу маалымат бергендерге айыптын жарымы сый акы катары берилет.