БИШКЕК, 16-июл. — Sputnik. Милиция кызматкерлери опузалап пара алып жаткан жеринен кармалды. Бул тууралуу УКМКдан билдиришти.
Маалыматка ылайык, Ленин райондук ИИБдин кызматкерлери лейтенант М.Б.А. жана капитан М.Б.Б. телефон уурдоо боюнча кылмыш ишти оң жагына чечип берүү үчүн 160 миң сом талап кылышкан.
11-июлда алар жалпы сумманын 20 миң сомун алып жаткан жеринен колго түшүрүлдү. Кылмыш иши козголуп, шектүүлөр 13-майда убактылуу кармоочу жайга киргизилген.