БИШКЕК, 15-июл. — Sputnik. Мындай масштаб 1993-жылдан бери болгон эмес. Бул тууралуу Акылбек Жапаров сел каптаган Ош шаарындагы базардын соодагерлери менен болгон жолугушууда билдирди.
"Бул көрүнүш кайталанбашы үчүн Ак-Буура дарыясын тазалап, түбүн бетондоо зарыл. Болбосо баары кайталанат. Европада эмне болуп жатканын өзүңүздөр көрүп жатасыздар. Машиналарды суу агызып, имараттар талкаланууда. Күн жылып жатат. Ошондуктан мындай нерсе уланат", — деди Жапаров.
Ал комиссия келтирилген чыгымды эсептеп, жардам көрсөтүлөрүн убада кылды. Жапаровдун айтымында, дарыянын көптөгөн тилкелеринде жапыз көпүрөлөр курулган. Ошондуктан сел суусу жээгинен ашып кеткен.