ЕАЭБ өлкөлөрүнө Россиянын "бирдиктүү терезе" сынамык долбоору сунушталдыЫсык-Көлдө кызыл китепке кирген канаттууларды кармап жүргөндөргө айып салынды Ошто сел агызып кеткен эки кыздын сөөгү Өзбекстандан табылды алдыда кененирээкОшто кечээ сел агызып кетип, изделип жаткан эки кыздын сөөгү Өзбекстандын Шахрихонсой суусунан табылды. Бул тууралуу ӨКМден билдиришти. Маалыматка ылайык, алар 19 жаштагы Н.М. жана 10 жаштагы Н.М. экени божомолдонууда. Алардын сөөктөрү Анжиян шаарынын өлүкканасына жеткирилгени кабарланды.Кечээ ташкын суу Төлөйкөн айылындагы "Мөл булак" эс алуу аймагынан бир үй-бүлөнү агызып кеткен. Алар 44 жаштагы аял жана анын 19 жаштагы, 10 жаштагы, 6 жаштагы кыздары болгон. Кечээ түндө 6 жаштагы кыздын сөөгү ушул сайдан коңшу өлкөнүн аймагынан табылып, кыргыз тарапка өткөрүп берилгени кабарланган. Бүгүн куткаруучулар Ак-Буура суусунан Катта-Терек тилкесинен 44 жаштагы аялды тапкан. Учурда куткаруучулар базарды каптаган суу агызып кеткен дагы бир аялды издеп жатат.
Оштогу селден улам мамлекеттик органдар тарабынан элден каражат чогултуу демилгеси болгон жок. Бул тууралуу Ош мэриясынын маалымат кызматынын жетекчиси Жумамидин Сулайманкулов соцтармактагы баракчасына жазды. Анын айтымында, селдин кесепетин жоюу иштери жүргүзүлүп, тийиштүү кызматкерлер күнү-түнү иш алып барууда. " Мамлекеттик органдар тарабынан элден каражат чогултуу демилгеси болгон жок, демек, жеке жарандар тарабынан чогултуп жаткан каражаттын даректүүлүгүнө жооп бербейбиз", — деп жазган ал. Сулайманкулов кырдаалды пайдаланып, акча жасоону максат кылган шылуундардан этият болууну эскерткен. Ош шаары жана Ош облусун сел каптап 800дөн ашык турак жай, социалдык инфраструктура, базар жабыркаган. Анын кесепетин жоюу иштери тынымсыз жүргүзүлүүдө.
Ысык-Көлдө 50гө чукул канаттуу "кулчулуктан" куткарылды Рейд учурунда жергиликтүү "ишкерлердин" туристтер менен сүрөткө түшүрүүгө колдонгон 15 кызыл бүркүтү (китепке кирген) жана 30дан ашык жырткыч кушу алынган. Инспекторлор аларга жалпы 100 миң сом айып салып, канаттуулар Караколдогу реабилитациялык фондго өткөрүп берилди.
ЕЭК, Россиянын Бажы кызматы, Экономика министрлиги жана экспорттук борбору "бирдиктүү терезе" механизмин өнүктүрүү боюнча сынамык долбоорду презентациялады. Бул тууралуу ЕЭКтин маалымат кызматынан билдиришти. Иш-чарага улуттук "бирдиктүү терезе" механизмдерин өнүктүрүү долбоорун иштеп чыккан комиссиянын өкүлдөрү, ЕАЭБ өлкөлөрүнүн маморган жана бизнес өкүлдөрү катышты."Пилоттук долбоор катышуучулар тарабынан жогору бааланды. Алар бажы технологияларынын өнүгүүсү, соода процедураларын жөнөкөйлөтүү, маморгандар менен бизнестин натыйжалуу кызматташуусу тууралуу кеп болуп жатканын белгилешти", — деп айтылат маалыматта.Анда Россиянын Федералдык бажы кызматынын маалыматтык-программалык инструменттеринин комплекси, "Деңиз порту" порталы жана "Жеке кабинеттин кызмат көрсөтүүлөрүнүн компоненти" автоматташтырылган системасы, "Менин экспортум" санарип платформасынын иши көрсөтүлгөн.