Быйыл жаз, жай мезгилинде сел көп болду. Бир нече жолу өзгөчө кырдаал режими кирип, жакында эле Ош облусунун Ноокат районунда болгон селде бир нече мекендешибиз дагы көз жумду. Муну менен катар эле эл зыян тартып, мал өлүп, турак жайлары, дыйкан талаалары жабыркады. Селдин кесепетинен улам азык-түлүк тартыштыгы болбойбу? Табият кырсыгынан жабыр тарткан дыйкандарга кандай жардам көрсөтүлөт?
Ушул жана башка суроолорго суу ресурстары, айыл чарба жана кайра иштетүү өнөр жайы министрлигинин өсүмдүк өстүрүү жана багбанчылык боюнча чечимдерди ишке ашыруу бөлүмүнүн башчысы Мухтар Чыналиев жооп берди.