"Бокска аябай кызыкчумун. 8-классты бүтүп шаарга келгенде апам спорт мектебине алып барган. Ден соолукту текшерткенде өтпөй калгам. Боюм тездик менен өсүп кеткенине байланыштуу ички органдарым өспөй калган экен. Ошол кезде ичеги-карыным тартылып турган экен. Диета жазып беришкен. "Бул баланын ичеги карындары өсүшү үчүн эки порциядан тамак жеши керек" дешкен. Ошондон улам спорттон алыстап калгам. Азыр жакшы. Ичеги карындар өсүп, өзүнүн өлчөмүнө келди",- деди Инамидин Бектемиров.
"Аталар изи" борборунда Бектемиров сыяктуу өлкө боюнча узун бойлуу балдар, кыздар чогулган. Алар чет өлкөлөрдүн президенттери сыяктуу сыйлуу конокторду тосуп алуу иш-чараларына катышып турушат.
Тема боюнча: