БИШКЕК, 13-июл. — Sputnik. Жалал-Абадда Борбордук Азиянын футбол ассоциациясынын жаштар арасындагы чемпионаты жыйынтыкталды.
20 жашка чейинки футболчулар арасындагы мелдеш "Курманбек" стадионунда болгон.
Финалда Кыргызстан менен Ирандын курама командалары кез келип, биздин футболчулар 3:0 эсебинде утулуп, күмүш медалга ээ болушту.
Оюнда 3-орунду Өзбекстан, 4-орунду Тажикстан, 5-орунду Афганстан, 6-орунду Түркмөнстан алган.
Сыйлыктарды Кыргыз футбол биримдигинин президенти Камчыбек Ташиев тапшырды.