БИШКЕК, 13-июл. — Sputnik. Социалдык тармакта тарап жаткан 25 миң сомдук жөлөк пул тууралуу маалымат — фейк. Бул тууралуу Эмгек, социалдык камсыздоо жана миграция министрлиги эскертти.
Ведомство кыргызстандыктарды жөлөк пулду жогорулатуу жөнүндө жазылган шектүү шилтемелерге кирбөөгө чакырган.
"Бул фейк маалымат. Шылуундар эсебиңизге же жеке маалыматтарыңызга кирүүгө аракет кылышы мүмкүн", — деп эскертти министрлик.
Жөлөк пул тууралуу расмий маалыматтар ведомствонун сайтында, расмий баракчаларында жана ЖКМларда жайгаштырылат.