БИШКЕК, 12-июл. — Sputnik. Канайым Айгүл Жапарова "Витебскидеги Славян базары" XXXIII эл аралык фестивалынын ачылышына ардактуу мейман катары катышты. Бул тууралуу президенттин маалымат кызматынан билдиришти.
Иш-чараны Беларустун президенти Александр Лукашенко ачып, андан соң белгилүү аткаруучулардын жана эстрада жылдыздарынын катышуусунда гала-концерт болду.
Быйыл Кыргызстандын атынан бул фестивалга 14 жаштагы Раяна Алибаева катышууда. Ал — улуттук тандоо турунун жана бир катар эл аралык сынактардын жеңүүчүсү.
"Славян базары" — 1992-жылдан бери Витебск шаарында жыл сайын өтүп келген эл аралык искусство фестивалы.