БИШКЕК, 8-июл. — Sputnik. Бүгүн, 8-июлда, Ош шаарындагы Россия-Кыргызстан достук аллеясында Үй-бүлө күнүнө карата майрамдык иш-чара өткөнүн Sputnik Кыргызстандын аймактык кабарчысы билдирди.
Аны Россотрудничествонун Ош шаарындагы өкүлчүлүгү уюштурган. Саамалыктын алкагында Ош жана Жалал-Абад шаарларында жашаган 35 жана андан көп жыл чогуу түтүн булаткан беш түгөйгө грамота, “Сүйүү жана берилгендик үчүн” деген медалдар тапшырылган.
Мындан тышкары, концерттик программа, сынактар жана оюн-зоок уюштурулган.