БИШКЕК, 6-июл. – Sputnik. Аркан менен секирүү учурунда киши каза болгон Flayjump спорт комплексинин ээси кармалды. Бул тууралуу Чүй ОИИББ билдирди.
Маалыматка караганда, маркумдун жакындары милицияга арыз жазышкан.
“Факт боюнча Кылмыш-жаза кодексинин “Керектөөчүлөргө коркунуч жаратуу” беренеси менен кылмыш иши козголуп, 28 жаштагы Н.А. кармалды. Ал убактылуу кармоочу жайга киргизилди”, – деди ОИИБ.
Милиция кырсыктаган 39 жаштагы Б.А. жеринде көз жумганын билдирди. Факт каттоого алынып, тергөөгө чейинки өндүрүш иштери башталды.