БИШКЕК, 5-июл. — Sputnik. Киев аскердик абалды сактап туруу үчүн ок атышууну токтотууга жол бербейт. Бул тууралуу Владимир Путин Венгриянын премьер-министри Виктор Орбан менен россия-венгр сүйлөшүүлөрүнүн жыйынтыгы боюнча айтып жатып билдиргенин РИА Новости жазды.
"Менин байкаганым боюнча, чыр-чатакты Киев режими аскердик абалды улантуу үчүн да токтотпой жатат. Эгер аскердик абалды жокко чыгарса шайлоо өткөрүш керек болуп калат. Анда азыркы бийликтин жеңишти камсыз кылуу мүмкүнчүлүгү жокко эсе болот", — деген Путин.
Ошол эле маалда Венгриянын премьер-министри Орбан Путин менен Украинада тынчтыкка жетишүүнүн кыска жолун талкуулаганын билдирди.
Венгриянын премьер-министри Виктор Орбан Путин менен сүйлөшүү үчүн Москвага жума күнү келген. Венгрия 1-июлдан баштап алты ай бою Евробиримдик кеңешине төрагалык кылат.