БИШКЕК, 5-июл. — Sputnik. Министрлер кабинетинин төрагасы Акылбек Жапаров Чүй облусуна болгон жумушчу сапарынын алкагында Москва районунда жайгашкан "Тулпар моторс" ЖЧКсынын автоунаа чогултуучу заводунун ишмердүүлүгү менен таанышты. Бул тууралуу өкмөттөн кабарлашты.
Маалыматка караганда, заводдо жеңил жана жүк ташуучу унаалар чыгарылат. Ал эми автобустар мектеп окуучуларын ташууга багытталат. Ишкананын аянты 4,5 гектарды түзөт. Беш жылдын ичинде кызматкерлердин санын 1 400 адамга жеткирүү пландалууда.
Долбоорду ишке ашырууга багытталган инвестициянын жалпы суммасы эки баскыч менен 110 миллион долларга жетет. Өнөктөш өлкө — Өзбекстан.