БИШКЕК, 4-июл. — Sputnik. Ноокаттагы селден жабыркагандарга Өзбекстандан гуманитардык жардам келди. Бул тууралуу Өзгөчө кырдаалдар министрлигинен билдиришти.
Маалыматка ылайык, 95 тонналык гумжардам кечээ, 3-июлда, Ошко жеткирилген.
"Өзбекстандын өзгөчө кырдаалдар министринин биринчи орун басары Санжарбек Зупаров баштаган делегациянын коштоосунда жалпы 95 тонналык гумжардам келди. Аны министрдин орун басары Акылбек Мазарипов, президенттин Ош облусундагы ыйгарым укуктуу өкүлүнүн орун басары Ильяс Ташбаев тосуп алды", — деп айтылат маалыматта.
Гумжардам ун, өсүмдүк майы, кумшекер жана башка тамак-аш азыктарынан турары кошумчаланды.