БИШКЕК, 1-июл. — Sputnik. Чолпон-Ата шаарында көп кабаттуу ипотекалык үйлөр салынат. Бул тууралуу президенттин иш башкаруучусу Каныбек Туманбаев соцбаракчасынан кабарлады.
Маалыматка ылайык, мурдагы аэропорттун ордуна 20 блоктон турган беш кабаттуу жана 56 блоктон турган тогуз кабаттуу үй курулат.
Пландалып жаткан курулуштун параметрлери төмөнкүдөй:
участоктун аянты: 35 гектар;
үйлөрдүн саны: 76 блок;
батирлердин саны: 3 020;
тургундардын саны: 5 850 адам.
Инфраструктура:
412 унаа токтотуучу орун;
750 орундуу орто мектеп (4874,71 чарчы метр);
140 орундуу (3 имарат - 720 орун) мектепке чейинки билим берүү мекемеси (23991,2 чарчы метр);
200 орундуу үй-бүлөлүк медицина борбору (1630,45 чарчы метр);
500 орундуу мечит (1182,47 чарчы метр).