Министрлик сел жүрүп, таш кулоо коркунучу бар жерлерди тизмектедиЖМК Байден кайсы учурда президенттик шайлоого катышуудан баш тартарын жаздыКыргызстандыктар Россияда пара сууда сүзүү боюнча турнирде 16 медаль алдыалдыда кеннеирээкБорбордук шайлоо комиссиясынын маалыматы боюнча, саат 12.00гө карата Жогорку Кеңештин депутаттарын мөөнөтүнөн мурда шайлоого 311,4 миң шайлоочудан 23,7 миң шайлоочу добуш берди, башкача айтканда, шайлоого катышуу 7,61 пайызды гана түздү. Округдар боюнча шайлоочулардын саны: Ноокат — 10 550 адам (11,59 пайыз); Свердлов — 5 795 (4,71 пайыз); Ысык-Көл — 7 365 (7,57 пайыз). Ноокат округунда 9, Ысык-Көлдө — 15, Свердлов районунда — 5 талапкер каттоого алынган. Мөөнөтүнөн мурда шайлоо өткөрүү тууралуу жарлыкка президент Садыр Жапаров кол койгон. Буга аталган округдардан депутаттар Жусупбек Коргонбай уулу, Максатбек Сарыбагышев жана Шайлообек Атазовдун ыйгарым укуктары мөөнөтүнөн мурда токтотулганына байланыштуу өтө турган болгон.
Кыргызстанга 1-3-июль күндөрү БУУнун Баш катчысы Антониу Гуттериш келет Ал Чолпон-Атада өлкө президенти жана ТИМ башчысы менен жолукмакчы. “Тараптар БУУнун алкагында кызматташуунун абалын жана келечегин талкуулап, эл аралык күн тартибиндеги актуалдуу маселелер боюнча пикир алмашат”, — дешти президенттик администрациядан.
Өзгөчө кырдаалдар министрлиги 29-июндан 2-июлга чейин күтүлүп жаткан нөшөрлүү жаан-чачынга байланыштуу өлкөнүн тоолуу, тоо этектериндеги райондорунда сел жүрүп, дарыяларда суу көтөрүлүп, унаа жолдордо таш кулоо коркунучу бар экенин эскертти. Өзгөчө кырдаалдарга мониторинг жүргүзүү, божомолдоо департаменти сел жүрүп, таш кулоо коркунучу бар жерлерди тизмектеди: Бишкек — Ош жолуБишкек — Балыкчы жолуБалыкчы — Бөкөнбаев жолуТалды-Суу — Аралдын 4-5-чакырымы Мырзаке — Кара-Шоро жолуКербен — Ала-Бука — Каныш-Кыя жолуОш — Исфана жолуӨКМ элди сак болууга чакырып, өзгөчө кырдаалга күбө болгон учурда 112 номерине кабарлап коюуну өтүнөт. Чалуу күнү-түнү акысыз.
Кыргызстандыктар Россияда Даун синдрому барлар арасында өткөн ири спорттук мелдеште 16 медалга ээ болду. Бул тууралуу курама команданын машыктыруучусу Ислам Турдыев билдирди. Мелдеш Казань шаарында өткөн. Ага Россиянын 39 регионунан 200дөй киши, Кыргызстандын, Казакстандын, Италиянын жана Беларустун спортчулары катышкан. Кыргызстандык спортчулар 10 алтын, эки күмүш жана төрт коло медалга ээ болушту. Мындан сырткары, Акназар Нурак уулу 50 метрдик дистанцияга эркин сүзүү боюнча абсолюттук чемпион болгон.
АКШнын президенти Жо Байден анын жакын чөйрөсүнүн чечимисиз кызмат үчүн ат салышуудан баш тартпайт. Бул тууралуу РИА Новости Axios порталына шилтеме берип жазды. "Байдендин президенттик шайлоого катышуудан баш тартышына бир гана нерсе түрткү боло алат. Чечимди анын чакан топтогу колдоочулары чыгарат", - деп жазды портал. АКШ президентинин жакын чөйрөсүнө жубайы Жилл, эжеси Валери, кеңешчиси Тед Кауфман жана Ак үйдөгү жардамчылардын чакан тобу кирери айтылат. Бир күн мурун азыркы америкалык лидердин шайлоо кампаниясынын коммуникациялар боюнча директору Майкл Тайлер штабда Байдендин шайлоо өнөктүгүнөн чыгышы талкууланбаганын айткан. New York Times гезитинин редакциясы америкалык лидерди шайлоого катышуудан баш тартууга чакырды. Ал эми Washington Post гезити Байдендин ордуна 10 демократтын тизмесин сунуштады.