Өлкөдө баңгизатка берилгендер көбөйүп жатат. Наркологдор коңгуроо кагуудаКыргызстандын үч округунда Жогорку Кеңешке шайлоо башталдыНоокатта селден көз жумгандардын саны 8 адамга жеттиНоокаттагы Абшыр-Ата айылында селдин кесепетинен каза тапкандардын саны бүгүн саат 10го карата айтылган маалыматтар боюнча сегиз адамга жеткенин ӨКМ кабарлады. Кечээ кечинде Ноокаттагы Абшыр-Ата айылында дагы бир аялдын сөөгү табылган. Андан мурун дагы бир аялды таап чыгышкан. Жалпы көз жумгандардын экөө аял, алтоо балдар болуп чыкты. Балдардын экөө 11 жаштагы, бирөө 8, бирөө 12 жаштагы балдар болсо, бирөө 16дагы өспүрүм, дагы бири 19 жашта экени айтылды. Ноокатта ӨКМ кызматкерлери селдин кесепеттерин жоюда.
Кыргызстандын №5 Ноокат, №36 Ысык-Көл, №29 Свердлов бир мандаттуу шайлоо округдарында Жогорку Кеңеш депутаттарын шайлоо башталды. Мөөнөтүнөн мурда шайлоо өткөрүү тууралуу жарлыкка президент Садыр Жапаров кол койгон. Буга аталган округдардан депутаттар Жусупбек Коргонбай уулу, Максатбек Сарыбагышев жана Шайлообек Атазовдун ыйгарым укуктары мөөнөтүнөн мурда токтотулганына байланыштуу өтө турган болгон. Кечээ аталган округдарда сырттан добуш берилди. Мындай өтүнүч менен жалпы жонунан 993 адамдан арыз түшкөн.
Наркомания менен күрөшүүдө аны алдын алуу жолдоруна өзгөчө басым жасоо керек. Бул тууралуу медицина илимдеринин кандидаты, Кыргыз мамлекеттик медициналык кайра даярдоо жана квалификацияны жогорулатуу институтунун психиатрия, психотерапия жана наркология бөлүмүнүн башчысы Сүйүтбек Назаркулов Sputnik Кыргызстан радиосуна берген маегинде билдирди."Баңгизаттан көз каранды болгондордун саны күн санап өсүүдө. Кыргызстанда 2024-жылдын 1-июнуна карата каттоодо тургандардын саны 6768ге чыккан. Бул расмий статистика экенин белгилеп кетким келет, себеби каттоого алынбагандар да бар. Мындан тышкары, баңгизат колдонгон өспүрүмдөр көбөйүүдө. Бул түз эле өлкөнүн келечегине кедергисин тийгизет, — деди адис.Дарыгер Республикалык психиатрия жана наркология борборунда "Биз дени сак келечекти тандайбыз" деген аталышта маалыматтык кампания өтүп жатканын кабарлады.
Сауд Арабия Падышачылыгы 2024-2025-окуу жылына кыргызстандыктар үчүн квота бөлдү. Бул тууралуу Билим берүү жана илим министрлигинен билдиришти. Маалыматка ылайык, быйыл аталган өлкөнүн ЖОЖдоруна билим алуу үчүн 130 орун берилген. Университеттер, программалар жана катталуу тартиби жөнүндө маалыматтарды сайтынан табууга болот. Арызды кабыл алуу 28-июлга чейин уланары кошумчаланды.
Убадаларга карабастан НАТО өзүнүн катарына Украинаны кабыл албайт. Бул тууралуу жергиликтүү басылмаларга шилтеме кылып РИА Новости жазды. "НАТОнун эшиги жаңы мүчөлөргө ачык деген билдирүүлөргө карабастан, альянс Украинанын катарына кошулушун каалабай турганы айкын", — деп жазган басылманын серепчиси Даниел Депетрис. Автордун айтымында, альянс Россия менен каршылашуу үчүн Украинаны курал-жарак, каржы жагынан колдойт, анткени Москва негизги душманы. Бирок НАТО Украина үчүн Россия менен түз тирешүүгө даяр эместиги белгиленген."Украина НАТОго мүчө болууну көптөн бери күтүп жатат. Батыш лидерлери Зеленскийге кандай гана таттуу сөздөрдү шыбыраганына карабай, Украина мындай чечимди түбөлүк күтүшү ыктымал", — деп сөзүн жыйынтыктаган эксперт.2022-жылдын сентябрында Владимир Зеленский Украина тездетилген тартипте НАТОго кирүү үчүн арыз бергенин билдирген эле.