Акылбек Жапаров Орто-Токой суу сактагычындагы чакан ГЭСтин курулушуна мезгил кутучасын салуу аземине катышты. Министрлер кабинетинен билдиришкендей, өкмөт башчы капсуланы Ысык-Көл облусуна жумушчу сапарынын алкагында салган.Салтанатта минкаб башчысы Орто-Токой суу сактагычына курула турган кичи ГЭС Балыкчы шаарындагы 14 миңден ашык абонентти электр энергиясы менен камсыз кыларын айтты."Биз энергетикалык көз карандысыздыкка карай ишенимдүү кадамдарды жасап жатабыз. Өлкө президенти жакында эле Бала-Саруу ГЭСин ишке киргизди, Папан суу сактагычында жакынкы арада ГЭСтин курулушу башталат. Улуттук долбоор — Камбар-Ата-1 ГЭСи күч алууда, эл аралык уюмдардын жана каржы институттарынын өкүлдөрүнөн турган комитет түзүлдү. Бул долбоорлорду ишке ашыруу Кыргызстандын ири гидроэнергетикалык өлкөгө айлануусуна шарт түзөт", — деди Жапаров. Аталган ГЭСтин кубаттуулугу 21 мегаватт болот. Орто-Токой кичи ГЭСин куруу боюнча кытайлык компания менен "Чакан ГЭС" ишканасынын ортосунда келишим түзүлгөн.
Казакстан, Кытай, Өзбекстан, Тажикстан, Түркия жана Пакистанда жашаган этникалык кыргыздар үчүн 2024-2025-окуу жылына карата Кыргызстандын ЖОЖдоруна каттоо башталды. Бул тууралуу Билим берүү жана илим министрлиги кабарлады. Маалыматта билим алууну каалаган этникалык кыргыздарга жалпысынан 75 квота бөлүнгөнү айтылат.Сынактык тандоого катышуу үчүн абитуриенттер сайттан онлайн катталып, "чет өлкөлөрдө жашаган этникалык кыргыздарды Кыргыз Республикасынын жогорку окуу жайларына 2024-2025-окуу жылында кабыл алуу" бөлүмүнө бардык керектүү документтерди жүктөшү керек.Документтер үстүбүздөгү жылдын 17-августуна чейин кабыл алынат.
Кант диабетин аныктоо үчүн анализдер камсыздалган жана полиси бар жарандар үчүн акысыз. Бул тууралуу Милдеттүү медициналык камсыздандыруу фондунан билдиришти. Фонд билинбей өрчүгөн кант диабетин өз убагында аныктоо мүмкүн экенин эскертет."Эгерде оорунун алгачкы белгилери байкалса, диагноз койдуруу жана дарылануу үчүн үй-бүлөлүк дарыгерге же эндокринологго тезинен кайрылуу керек. Кабыл алуу, консультация алуу, канды жана заараны анализдөө, көрсөткүчтөр шек жаратса кошумча изилдөөлөрдөн өтүү бардык камсыздандырылган жарандарга, анын ичинде ММК полисин сатып алган адамдарга акысыз жүргүзүлөт", — деп айтылат маалыматта. Ошондой эле кант диабети эки түргө бөлүнөрүн жана алардын ар биринин өзгөчөлүктөрү бар экени айтылган.
АКШдагы шайлоочулардын жарымынан көбү АКШ президенти Жо Байдендин алдыдагы президенттик шайлоодогу талапкерлиги алмаштырылышы керек деп эсептейт. Бул Morning Consult компаниясы жүргүзгөн сурамжылоонун жыйынтыгы экенин РИА Новости жазды. "Шайлоочулардын көпчүлүгү, тагыраагы, 60 пайызы, президент Байден бейшемби күнкү дебатка чыккандан кийин Демократиялык партия талапкерин алмаштырылышы керек деген пикирин билдиришкен", — деп айтылат маалыматта. 28-июнга караган түнү өткөн дебатты көргөн респонденттердин басымдуу бөлүгү Трамп Байденден ашып кеткенин айтышкан. Мында