БИШКЕК, 29-июн. — Sputnik. Ноокатта сел агызып кеткен дагы бир аялдын сөөгү табылып, жалпы каза болгондордун саны жети кишиге жетти. Бул тууралуу ӨКМ билдирди.
Маалыматта азыр аялдын аты-жөнү такталып жатканы айтылат.
Кырсык кечээ кечинде болгон. Абшыр-Атада суунун жээгиндеги тапчанда отургандарды сел агызып кеткен. Куткаруучулар төрт кишини сөөгүн тапкан болчу. Бүгүн дагы эки баланын сөөгүн алып чыгышкан.
Көз жумгандардын көбү — балдар. ӨКМ алардын экөө 11 жаштагы, бири 8, бири 12 жаштагы балдар болсо, бирөө 16дагы өспүрүм, дагы бири 19 жашта экенин кабарлады.
