БИШКЕК, 29-июн. — Sputnik. Ноокат районунун Абшыр-Ата айылында сел агызып кеткен эки эркек баланын сөөгү табылганын ӨКМден кабарлашты.
Учурда алардын өздүгү такталууда. Куткаруучулар эки сөөктү милиция кызматына өткөрүп берген.
Өзгөчө кырдаалдар министрлиги кечээ, 29-июнда, Ноокаттын Абшыр-Ата айылында жети эмес, алты адамды сел алып кеткенин тактады. Алар кырсык болгон учурда сайда тапчанда отурушкан. Кечээ беш адамдын сөөгү табылып, экөө изделип жатканы айтылган.
Ал эми Абшыр-Атада суудан өтө албай калган бардык 1300 адам бүгүн эвакуацияланды. Саламаттык сактоо министрлиги жерине облустан дарыгерлер тартылып, жабыркагандарга кыдырып медициналык жардам көрсөтүп жатканын айткан.