БИШКЕК, 28-июн. — Sputnik. Нарында шырдак фестивалы башталып, 1000ден ашык буюм коюлду. Бул тууралуу аймактык кабарчы маалымдады.
Билдирүүгө ылайык, бүгүн Нарын шаарынын кире беришиндеги As A Nomad этнокомплексинде "Кыргыз шырдагы" XV эл аралык фестивалы башталды.
"Фестивалга Түркиядан, Араб Эмирликтиринен, Өзбекстан, Казакстандан меймандар жана өлкөнүн бардык аймактарынан 100дөн ашык кол өнөрчү келди. 1000ден ашык буюм сынакка коюлду. Быйылкы фестивалдын алкагында "Мурас шырдак", "Мыкты шырдак", "Жаратмандык ыкмадагы шырдак", "15 жылдыкты чагылдырган жаратмандык шырдак" номинациялары боюнча кароо-сынактар болот", — деп жазылган маалыматта.
Белгилей кетсек, аталган фестиваль Нарын облусунда 2010-жылдан бери өткөрүлүп келет.