БИШКЕК, 27-июн. — Sputnik. Чолпон-Атада патрулдук милициянын унаасы жол кырсыгына кабылды.
Окуянын видеосу социалдык тармактарга тарады.
Кырсык 26-июнга караган түнү саат 01:00дө болгон. Анда Toyota Land Cruiser 200 менен Renault Logan кызматтык унаасы сүзүшкөн.
Патрулдук милициянын эки кызматкери жабыркап, ооруканага түштү. Экспертизалар дайындалып, жыйынтыгы чыккандан кийин күнөөлүү тарап аныкталмакчы.