БИШКЕК, 27-июн. — Sputnik. Кечээ Абадан коргоо күчтөрүнүн "Фрунзе-1" аэродромунда парашюттан секирүү боюнча машыгуулар өттү. Бул туурасында Коргоо министрлигинин маалымат кызматынан кабарлашты.
Ага Аба-десанттык даярдоо боюнча бирдиктүү борбордун, Коргоо министрлигинин атайын даярдыктагы бөлүктөрүнүн, Улуттук Гвардиянын жана Кыргызстандын Куралдуу күчтөрүнүн жоокерлери катышкан.
Парашюттук-десанттык даярдык — аскердик даярдыктын милдеттүү жана негизги элементи. Аскерлер Ми-8МТВ тик учагынан 600-800 метр бийиктиктен секиришкен.