Ошол кездеги "от Советского информбюро" деп башталган Юрий Левитандын коңур, ары сүрдүү үнү эбегейсиз зор өлкөнүн шаарларынан тарта айыл-кыштактарына чейин тараган.
Согуш жылдарында Совинформбюро эки миңден ашуун согуштук маалыматтарды жөнөткөн.
Корней Чуковский, Михаил Шолохов, Борис Полевой, Валентин Катаев, Алексей Толстой, Илья Эренбург сыяктуу калемгерлер Совинформбюродо иштеген.
1961-жылы Совинформбюронун базасында "Новости" басылма агенттигин түптөшкөн. 30 жылдан кийин ал РИА Новости, ал эми 2013-жылы "Россия сегодня" эл аралык маалымат агенттигине айланган.