БИШКЕК, 25-июн. — Sputnik. Каракчылыкка айыпталган кыргыз жараны Варшавадан Бишкекке экстрадицияланды. Бул тууралуу Башкы прокуратурадан билдиришти.
Маалыматка ылайык, өзгөчө ири өлчөмдө каракчылык боюнча кылмыш Кызыл-Кыя шаарынын ИИБинде тергелип жаткан.
"2015-жылы Баткен облусунун аймагында шектүү башка шериктери менен бирге Ы.Ж. аттуу кишиге зомбулук көрсөтүп, 1 миллион 30 миң долларын тартып алышкан", — деп жазылат маалыматта.
Учурда шектүү Кызыл-Кыя шаарынын ички иштер бөлүмүнүн тергөө кызматына өткөрүп берилгени кошумчаланды.