БИШКЕК, 23-июн. — Sputnik. БРИКС оюндарында Кыргыз күрөшү боюнча улуттук курама команданын мүчөлөрү беш медаль жеңди. Бул тууралуу Дене тарбия жана спорт департаменти билдирди.
© Фото / Департамент физической культуры и спорта КР
Аталган оюн Татарстандын борбору Казань шаарында өтүп жатат. Анда кыргызстандык спортчулар кореш боюнча (татар улуттук күрөшү) мелдешке чыгышып, эки күмүш жана үч коло медаль алышты.
Хабибулла Тынчтык уулу (75 кг) жана Баяман Мыктыбеков (130 кг) экинчи орунду ээлесе, Арлен Эстебесов (65 кг), Эрбол Турапбаев (80 кг) жана Анвар Муратбек уулу (85 кг) коло медалга татыган.
Курама команда машыктыруучулар Аскар Өмүрканов жана Туратбек Тойчубековдун жетекчилиги алдында мелдешке катышкан.