Эки өлкө Кыргызстандын 120 млн. доллар карызын кечиши күтүлүп жатат24-июнда Бишкектин айрым көчөлөрүндө газ өчүрүлөтСадыр Жапаров Апрель окуясына катышкандарга фабрика куруу үчүн жер бөлдүалдыда кененирээкПрезидент Садыр Жапаров Апрель окуясына катышкандарга фабрика куруу үчүн жер бөлүп бергенин “Кабар” улуттук агенттигине курган маегинде айтып берди. Өлкө башчы эки жылдан бери 2010-жылы Апрель окуясында жакындары каза болгон жарандар арыз-муңун айтып кабыл алуусунда болуп келишерин айтты. Алар Бакиевдин кун төлөп беришин камсыз кылууну суранышкан. “Сиздин колуңуздан келет. Дубайда мурдагы президенттерди чогулттуңуз го деп суранышты. “Туугандар, мени Бакиев менен ортоңорго аралаштырбагыла, ансыз деле башка баш оорум көп” деп четке каккам. Былтыр кайра “Биз Бакиев менен сүйлөштүк, ал бизге 200 кишилик тигүү фабрикасын куруп берүүгө убадасын берди. Бизге жер бөлүп бериңиз, жумушсуз кыйналып жүрөбүз” деп суранышты. Акыбалдарын байкасам, чынында эле кыйын экен”, — деди Жапаров. Президент аларга бир гектардан ашыгыраак жер бөлдүрүп, фабрика салууга убакыт бергенин, эгер ал ишке ашпаса жерди мамлекетке кайтарарын белгилеген.
Ушул эле маегинде өлкө башчысы Кыргызстанндын тышкы карызына токтолгон. Эки өлкө 120 миллион доллар сырткы карызыбызды кечүү боюнча алдын ала убадаларын беришти, деген анда Садыр Жапаров. Бул жылдын аягына чейин ишке ашышы мүмкүн. Ал эми карызды жабууга жумшалчу акча "Жашыл экономика" долбооруна сарпталат. “Жашыл экономикага" өтүү боюнча Кыргызстан алдыда кетип бара жатабыз десем жаңылышпаймын. Өлкө боюнча 60тан ашык орто жана чакан ГЭСтерди куруп жатабыз. Күндөн, шамалдан энергия алуучу станциялар курулуп жатат. Электромобиль чыгара турган завод быйыл ишке кирет”, — деген Жапаров. Президент тышкы карызды "Жашыл экономикага" алмаштыруу боюнча бир топ өлкөлөр менен сүйлөшүүлөрдү жүргүзүп жатканын белгиледи.
Бишкектин айрым көчөлөрүндө 24-июндан тарта оңдоо иштерин жүргүзүүгө байланыштуу убактылуу жаратылыш газы өчүрүлөт. Бул тууралууу «Бишкекгаз» газ кызматы билдирди. Төмөнкү көчөлөрдө жаратылыш газы оңдоо иштерин жүргүзүүгө байланыштуу убактылуу өчүрүлөт: 24-июндан 28-июнга чейин Масалиев көчөсү, Токтоналиев көчөсү, Ахунбаев көчөсү көчөсү жана Киргизия-1, Арча-Бешик конуштары, Жал-29, Жал-30, Жал-23, Жал-15 кичи райондору, Ала-Арча д., Жал кичи районунда өчүрүлөт. 25- июндан 26- июнга чейин Лермонтов көчөсү, Ленин проспектиси, Киров көчөсү, Чапаев көчөлөрүндө жаратылыш газы өчүрүлөт.
83 жыл мурун ушул күнү фашисттик Германия Советтер Союзуна кол салган. Душмандар алгач Брест чебине чабуул жасап, советтик жоокерлер алардын мизин кайтаруу үчүн бир нече күн туруштук беришкен. Брест чебин коргоочулардын арасында 20дай кыргызстандык болгону маалым.ЭМИ ВАЛЮТА КУРСУ МЕНЕН ТААНЫШЫП АЛЫҢЫЗДАР Улуттук банктын билдирүүсү боюнча ушул тапта: 1 АКШ доллары 87 сом 30 тыйынга барабар. 1 евро 93 сом 76 тыйынга 1 рубль 1 сом 3 тыйынга Казак тенгеси 18 тыйынга барабар МУНАЙ БААСЫ Бишкекте орточо эсеп менен алганда Аи 92 үлгүсүндөгү бензин 65 сом 40 тыйындан баштап, 67 сом 40 тыйынга чейин, Аи 95 үлгүсүндөгү күйүүчү май 72 сом 90 тыйындан тарта, 74 сом 40 тыйынга чейин, дизель майы 73 сом 80 тыйындан, 74 сом 30 тыйынга дейре, ал эми унаа газынын литри 33 сом 70 тыйындан сатылууда. АБА ЫРАЙЫ23-июнга караган түнү тоолуу райондордо өткүн өтүп, күн күркүрөшү, бийик тоолуу райондордо кар жаашы күтүлөт. Дыйканчылык аймактарда күн ачык болот. 23-июнь, жекшембиде тоо этектерде жана тоолуу райондордо өткүн өтүп, күн күркүрөп, бийик тоолуу райондордо кар жаайт. Өрөөндөрдө жаан-чачын күтүлбөйт. Батыштан соккон шамалдын ылдамдыгы секундасына 4-9 метрге жетет. Бул тууралуу Кыргызгидромет билдирди. Абанын температурасы Чүй, Баткенде +32...+37, Талас аймагында +29...+34, Ош, Жалал-Абад жергесинде +33...+38, Ысык-Көл облусунда +25...+30, Нарын өрөөнүндө +23...+28 градус жылуу болот. Күндүн табы борбор калаа Бишкекте жана Ош шаарында +34...+36, Чолпон-Атада +26...+28 градуска чейин көтөрүлөт.